بقلم فاتن أسامة
المحتويات
أكيد دا أثر زعلك عليه
طبطبت عليا
متزعليش هو دا نصيبه
الدموع نزلت من عيني بطريقة صعبة
إيدي وجسمي بيرجفو
إزاي وأدم كان معايا إمبارح
مات إزاي وإمتي
وخالتي معرفتنيش ليه
بصيتلها وأنا بمسح دموعي وإيدي بتتهز
_ حصل دربكة كبيرة إمبارح بس إللي كان معايا أدم
هو إللي فضل معايا الليلة إللي فاتت والله يا ملك
ضمت حواجبها ب إستغراب وخوف كبير كان باين علي ملامحها
إزاي
مسكت إيدها
_ أنا عارفه إننا مجرد زملاء مش صحاب أوي يعني
بس أنا عايزاكي تفضلي معايا أنا مش عارفه إيه بيحصلي
أخدت نفس عميق وهي بتحاول تهديني
يلا نروح البيت
قولت ب إندفاع
_ لا
ليه
_ أنا خايفه
بصي أنا دلوقتي مش صحبتك أنا الضابط ملك حمدي يعني هحميكي وهعرف أحل اللغز دا معاكي
ضميتها وأنا بحاول أشكرها
_ مش عارفه أقولك إيه بس أدم موته غريب انا مش فاهمه أي حاجه
طبطبت عليا وكأنها بتطمني
كلو خير بإذن الله
وفي طريقنا للبيت
مكانش علي بالي غير أدم وذكرياته معايا
أنا مكانش ليا غيرو
كان أخ وأب وصاحب
إنزلي يلا
نزلت من العربية ب هدوء وأنا بحاول أجمع قوتي
كنت خايفة أفتح باب الشقة
بس فتحتو
أنا معاكي إدخلي يلا
واقفة قدام باب البيت وأنا مترددة
بصيت علي البيت ومكان نومي الليلة إللي فاتت
كل حاجه متبهدلة من حركتي الكتيرة والحاجات إللي كسرتها إمبارح
لفت نظري رسمة غريبة علي الحيط د مرسومة باللون الأحمر
مركزتش أوي بسبب ضربات قلبي اللي عليت فجأة لما شوفت ج ثة سيلا علي الأرض
سيلا ماتت بجد !
يعني مكنتش بتخيل
ملك قربت منها وهي باصالي ب حزن مع مواساة
حقك
كنت متجمدة من الكسرة إللي أنا فيها
قطتي مشيت وسابتني !
دي.... دي مقتولة
مش موت طبيعي دا
أنا مش لاقية تفسير غير إن روح أدم هي إللي كانت معاكي إمبارح
وطالما كان موجود يبقا موته مكانش أمر طبيعي وفي الغالب إتقتل
رديت عليها وأنا حاسة ب وجع في قلبي
_ وسيلا سيلا عملت ل روح أدم إيه حرام والله
طبطبت عليا بعد ما قعدت في الأرض وأنا منهارة
مش وقته مش وقته إنهيار إحنا أقوي من كدا يا رحيل قومي شوفي إبن خالتك مات إزاي قومي جيبي حقه متستسلميش
وبعد كلامها رنيت علي خالتي
بس مكانتش بترد
فضلت أرن كتير وبرضو مفيش أي رد
لفيت وشي ل ملك إللي كانت بتفتش في البيت عشان تلاقي أي أثر ل أي حاجه تدلنا
_ إنتي عرفتي ب الدفنة إزاي
بابا كان نازل بالصدفه من البيت شاف خالتك وهي متسرعة ورايحة علي عربيتها بسرعة
ف قالتلو إن أدم مات
كلمة مات أكنها خنجر دخل جوا قلبي
لحظة غريبة عملت فيها فلاش باك ل الليلة إللي فاتت...
إحنا بنشوف ب قلبنا مش ب عيونا ولو علي قلبك ف هو أكبر دليل في حياتك
في يوم وليلة ليلة واحدة غيرت كل الموازين
هو إللي هيدلك هو إللي هتشوفي بيه وهيوريكي حقيقة كل حاجه
بتفكري في إيه
_ إحنا لازم نروح البلد
ليه
_ عايزة أشوف خالتي أفهم منها إيه العبث إللي بيحصل دا
وبعد ما دفنا سيلا وأنا كلي حزن
جهزت شنطتي وملك كمان
ومشينا علي البلد
كنت متوقعة الأمور هتكون بسيطة
بس إللي عرفتو كان اسوأ مما توقعت
مفيش أسوأ من إنك تقع ف حالة ملهاش وصف
غير إنك مش عارف
مش عارف تستني ولا تمشي
مش عارف إنت بخير ولا لا
مش عارف تاخد قرار
مش عارف تفكر
مش
مش عارف إنت عايز إيه
مش عارف إنت إيه اصلا
إحساس مؤذي ومخليك مش عايز حاجه
غير إنك تكون مع نفسك و بس وعايز تبقى لوحدك دايما
كان كلام صادر من شخص قاعد مع راجل عجوز في الدوار
كلام حزين لمس حاجه جوايا
ياسر أبو العزم ميقولش كدا ولا يكون ضعيف إبن دمي لازم يكون قوي
مش في كل الأوقات يا جدي
كنت بحاول أشوف وشه بس كان مدينا ضهره
وبحكم إني بركز في التفاصيل صوته جذبني وأنا يا خفة الدنيا وحلاوتها لما ودني تسمع صوت حنين عليها
هتفضلي ساكتة كدا ما تنطقي
قربت من ودنها وأنا بقول ب صوت هامس
_ أنا مشيت من العيلة دي بقالي قرن محدش هيعرفني غير كمان دا مش جدي دا أخو جدي قرابة من بعيد يعني
إزيك يا حج
يالهوي دول باصولنا
يا كسفتي
يا وشي إللي بقا زي الطماطماية
مين
دخلنا أنا وهي وأنا ركبي بتخبط في بعضها
الضابط ملك حمدي من الجيزة ودي رحيل الشامي
بص ل ملامحي بتركيز
دي.... دي بنت فاطنة !
_ أيوا يا جدي
مسك إيدي وهو بيضمني له ب شدة
ياااه يا بنتي عاش من شافك ولا سمع عنك حاجه من ساعة موت أمك محدش بيشوفكو ولا إنتي مش معتبراني جدك ولا إيه
مترددش في ودني غير جملة محدش بيشوفكو
إزاي وخالتي كل إسبوع المفروض بتيجي هنا
طيب إتفضلو إرتاحو
عدلت هيئتي بعد ما ملك بصتلي عشان أتكلم
_ الموضوع يا جدي ب إختصار
قولي يابنتي مقلقة ليه
إحنا بنشوف ب قلبنا مش ب عيونا ولو علي قلبك ف هو أكبر دليل في حياتك
كان كلام أدم بيتردد في ودني كل شويه
وكأنها إشارات بتدلني
_ خالتي جت هنا إمبارح أو الأيام إللي فاتت !
ملامحه إتبدلت بس كان بيحاول يخفي توتره
سعدية
بصينا ل بعض أنا وملك ب إستغراب كبير
إزاي حضرتك !
زي ما بقولك يا حضرت الظابط من زمان مجاتش زارتنا ولا نعرف عنها حاجه
بصيت ل ياسر إللي كان هادي ومبيتكلمش
بس رجله بتتهز
مررت عيوني علي الدوار لاقيته قديم
هو مفيش غيرهم في البيت دا ولا إيه
_ طيب يعني....
كنت لسه هتكلم بس ملك برقتلي في محاولة منها تسكتني
دلوقتي خالتي وأدم إختفو
ومنعرفش عنهم حاجه
طيب شكرا يا حج لو هي جت هنا في أي وقت أتمني تبلغني دا الكارت بتاعي
ياسر أخدو منها ب إبتسامة وهو بيقول
إنتو جايين من سفر إزاي هتمشو دلوقتي ! خليكو شويه
_ هو محدش غيركو موجود هنا !
لحقتي تنسي العيلة !
إبتسمت وأنا بحاول أداري كسفتي
_ الحكاية بس عشان مجيتش هنا من وأنا صغيرة
كلهم موجودين هتلاقي كل واحدة مشغولة في حاجه
قومنا أنا وملك
مينفعش الزيارة اللي علي الطاير دي
_ معلش يا جدي يبقا هجيلك في وقت تاني
وبعد ما سلمنا عليهم مشينا كام خطوة
وصلنا الباب وبعدين حسيت ب قبضة في قلبي
وصوت حد بيندهني
ومن العدم الدنيا بدأت تلف بيا ومكانش قدامي غير سواد
_ أنا.... أنا فين !
فتحت عينيا بشويش لاقيتهم قدامي
جدي وياسر وملك وستات كتير حواليا
إنتي كويسة
سألتني بعد ما مسكت إيدي
_ هو إيه اللي حصل يا ملك
أغمي عليكي فجأة الدكتور قال إرهاق وتعب من قلة الأكل وإنتي كمان جاية من سفر
رد جدي وقال
هتفضلي هنا لغايت ما تطيبي إنتي من ريحة الغالية يابنتي
طلعو كلهم برا بعد ما إطمنو عليا
أنا مبقتش فاهمه حاجه
رديت ب قلة حيلة
_ ولا أنا
والعمل أفتح ملف ونخليها قضية رسمي !
_ قلبي بيقولي لا يا ملك
يمكن
_ لا هو اللي هيدلني أدم قالي كدا
طبطبت علي إيدي وهي بتقول
طيب أنا مينفعش أبات هنا عشان الشغل هترجعي معايا !
غمضت عيوني وبعدين فتحتها
قولت ب ثقة غريبة
متابعة القراءة
