رواية بقلم رباب أحمد
المحتويات
السفر هنختار بنهم تمام
حنين وحسام تمام
حنين كانت فرحانه جدا ان التصميم عجبهم ومجهدها مرحش على الفاضى وانها هتحقق حلمها بانها تكون مهندسه شاطره
وحسام فرحان عشان دايما القدر بيجمعه مع حنين
عمار طيب الاجتماع انتهى الكل قام يمشى
عمار مهندسه حنين مهندس حسام استنوا انتوا عشان نتناقش فى التعديلات وفضلوا يشتغلوا لحدما عمار خلص كل ملاحظاته ال دونها حسام وحنين على حسب تصميم كل واحد واول ما خلصوا
عمار اشتغلوا على التعديلات دى النهارده عشان تكون جاهزه خلال يومين ثلاته بالكتير لان فهد هيوصل بكره ولازم تكون التصميم جاهزه للمناقشه لان خلاص مفيش وقت ولازم نبدا على طول تمام
حنين وحسام تمام يا فندم
رجع عمار لمكتبه بعد ما خلص الاجتماع كلم فهد
عمار الو وحشنى يا كبير
فهد ازيك يا عمار
عمار تمام والله مش نقصنا غير رؤياك
فهد بيضحك لا والله شكلك مروق خير
عمار كل خير يا حبيبى لما ترجع بسلامه
فهد مش مرتحلك يا عمار
عمار ههههههههههههه حبيبى يا فهود سيبنى انا فشغل هنا ومقضيها انت وادهم صح
فهد مقضيها لا يا فقر مش مقضينها نقيت فيها احنا مش عارفين نتحرك من الشغل استريح من الاوتيل لشغل يا فقرى
عمار هههههههه احسن عشان متطلعوش من غيرى هتجى امتى
فهد طياره بكره بليل انا وادهم
عمار مصر هتنور وحشتونى يا ولاد الايه
فهد هههههههه والله منا مستريحلك بس لما ارجعلك هعرف حكايتك ايه المهم خلينا فى الشغل الاخبار ايه
عمار كله تمام الشغل ماشى زى ما تكون هنا واكتر
فهد تمام اوى والتصميم خلصت احنا عوزين نبدا شغل على طول
عمار ايوه اخترت افضل تصممين لان بجد هايلين قلت لما ترجع ننقشهم ونختار بنهم
فهد تمام اوى اسيبك دلوقتى عشان نازل انا وادهم الموقع سلام
عمار سلام
ويقفل عمار وياخد مفتيحه ويروح ليارا الكليه
عمار وحشتنى يا قلبى
يارا بابتسامه سحرته وانت كمان
عمار يلهوى على الغمزات دى يارب صبرنى
يارا بكسوف بس بقا
عمار بيغمزلها بعينه الصبر حلو يا جميل انا عازمك
على الغدا
يارا طيب يلا
عمار اتغدى هو ويارا وبعدين روحها اما عند حسام وحنين
حسام طول عمرك شاطره يا حنين
حنين وانت كمان
حسام انت عاوز اتكلم معاكى شويه ممكن اعزمك على الغدا
حنين بتهرب منه معلش يا حسام اصلى مشغوله شويه وعوزه اخلص التعديلات على طول انت شيفهم مستعجلين ازاى وماما تعبانه شويه
حسام حس انها بتتهرب منه طيب خلاص سلمت مامتك سلميلى عليها
حنين يوصل ان شاء الله ويبته ودخلت مكتبها مع نور
نور ايه الاخبار طمنينى
حنين الحمدالله اختار تصميمى وتصميم حسام
نور القدر بيحطك انتى وحسام دايما مع بعض فكرى يا حنين حسام باين عليه لسه بيحبك
حنين نور حسام انسان كويس ومحترم جدا بس انا مش شيفاه غير اخ وصديق وبس وانا خلاص اخت نصيبى من الدنيا وعمرى ما هفكر ارتبط بحد تانى انا عوزه اعيش ل همس وماما وبس
نور انتى كده بتظلمى نفسك وصدقينى ان شاء الله ربنا هيعوضك واكيد هيجى واحد يقتحم قلبك يا جميل ويدوب فى العيون دى وبتغمزلها وبكره تقولى نور قالت
حنين بضحك مجنونه.. يتبع
يبدا يوم جديد يحمل فى طياته الكثير
اليوم هيرجع فهد لارض الوطن وادهم معاه بس امتى هيشوف صاحبت العيون الزيتونيه التى اسرته
تصحى حنين من النوم
حنين حبيبت قلب مامى صباح السكر يا قلبى احلى صباح ده ولا ايه
همس بتضحك ل
تخرج حنين من اوضتها تلاقى مامتها بتحضر الفطار صباح الخير يا ماما
امل صباح
الهنا يا قلبى همس صحيت بدرى ليه النهارده
حنين صاحيه جعانه
امل اصلها مكلتش امبارح كويس تعالى يا قلب تيته اوكلك
عامل ايه فى الشغل يا حنين
حنين تمام اوى يا ماما ادعيلى
امل ربنا معاكى يا بنتى
تفطر حنين مع ولدتها وهمس بنتها وتقوم تلبس عشان تروح الشغل خلصت لبس وطلعت باست همس ومامتها انا ماشيه يا ماما عوزه حاجه
امل سلمتك يا حبيبتى خلى بالك من نفسك
حنين ربنا معايا يا حبيبتى سلام
امل سلام ربنا يحققلك ال بتتمنيه يا بنتى
اما عمار كان مدايق اليوم ده جدا وصل عند الفيلا يارا الصبح ورن عليها مستنيها تطلع عشان يوديها الكليه زى كل يوم
يارا صباح الخير يا حبيبى
عمار صباح الهنا يا قلبى
وركبوا العربيه ومشيوا
يارا مالك يا عمار متغير النهارده شكلك مدايق
عمار مفيش بس مدايق ان النهارده اخر يوم هوصلك فيه فهد هيرجع النهارده بليل وهو ال هيوصلك بعد كده
يارا بصتله وابتسمت بعذوبه ده ال مديقك
عمار طبعا انا خلاص اتعوت كل يوم اشوفك حسيت انك بقيتى مسؤله منى مش عوزه ابعد عنك خالص
يارا ولا انا يا حبيبى والله وبعدين انت مش بتقول هتكلم فهد على طول عشان تخطبنى
عمار خطوبه ايه
يارا بصتله پصدمه فكرت او رجع فى كلامه
عمار هو انا لسه هستنى خطوبه انا هكتب كتاب على طول عوزك تبقى مراتى على طول
يارا اتكسفت ووشها احمر ومردتش
عمار بصلها اموت انا فى الخدود ال زى التفاح دى وعوزه تتاكل يارب الصبر من عنك
يارا بتبتسم خلاص بقا يا عمار بتكسفنى
عمار يلهوى على الغمازات دى
يارا عمار هزعل منك بس بقا
عمار حاضر يا قلبى يارا
يارا نعم
عمار بجديه اياكى تبتسمى او تضحكى خالص فى الكليه او فى اى حته فاهمه
يارا بصاله بستغراب ازاى يعنى
عمار هو كده محدش يشوف الغمزات دى غيرى مفهوم
وقسما بالله لو شفتك بتضحكى قدام حد هتشوفى وشى التانى ماشى
يارا هو ده حصار ولا ايه بظبط
عمار ايوه هو كده ولحد ما اكلم فهد وتبقى مراتى مترحيش فى اى حته غير لما تكلمينى مفهوم
يارا بضيق وده شك فيا ولا ايه بظبط
عمار بصلها بصه جامده انتى مجنونه اشك فى مين
يارا امال اسميه ايه ال انت بتقوله ده
عمار سميه حب عشق جنون خوف عليكى مش عاوز حد يتعرضلك غيره فهمتى
يارا بصتله بحب حاضر اى اوامر تانيه
عمار لحد دلوقتى لا
وصلوا عند الكليه وهيا نازله مسك ايديها وبسها هتوحشينى
يارا وانت كمان
عمار هخلص الشغل والجيلك ونتغدى سوا النهارده ده اخر يوم
يارا برقه طيب سلام بقا اتاخرت على المحاضره ومشيت
عمار يلهوى على رقتها لا انا مش هقدر اصبر البت دى هتجننى
ومشى راح على الشركه
حنين وصلت الشركه برقتها وجمالها ولبسها الشيك دخلت مكتبها نور صباح الخير
نور بابتسامه وبتصفر الله على الجمال ال يجنن ده صباح الهنا يا مزه
حنين بتضحك مش هتبطلى طرقتك دى
نور ملها بس طرقتى يا عسل وبتغمزلها
حنين مفيش فايده فيكى انا هروح اخلص التعديلات لان بكره اجازه نور ما تجى نخرج بكره عوزه اخرج همس افسحها ونتغدى سوا
نور قشطه تمام معاكى هو حد يكره الفسح
حنين ههههههههه ماشى روحى على شغلك
قعدت حنين تشتغل على تصميمها ومحستش بالوقت
نور يلا يا حنين وقت الانصراف انتى متعبتيش
حنين والله تعبت بس بحس بمتعه كبيره وانا بشتغل
نور طيب قال متعه قال خلينا نروح عوزه اتغدى وانام
حنين يا قلبى احسن تكلينى
ومشيوا روحوا پتهم
اما عمار ويارا رحلها بعد الكليه واتغدو سوا ومكنش عاوز يسبها خالص خاېف ميعرفش يشفها تانى بس فى الاخر وصلها وبعدين طلع على شقته ياخد شور ويغير هدومه عشان يروح المطار يجيب فهد وادهم
اتى اليل بهوائه البارد نزل
قاعده حنين فى البلكونه وبتشرب نسكفيه ومشغله اغنيه شرين مشاعر وسرحانه فيها ما اجمل ليالى الشتاء فى الاسكندريه
مشاعر تشاور تودع مسافر مشاعر ټموت و تحي مشاعر
مشاعر تشاور تودع مسافر مشاعر ټموت و تحي مشاعر
يادى يادى يادى المشاعر يادى يادى يادى آه
يادى يادى يادى المشاعر يادى يادى المشاعر
يادى يادى يادى المشاعر يادى يادى يادى
يادى يادى يادى المشاعر يادى المشاعر
اللى غرب نفسه سافر من الام المشاعر
و اللى نفسه يعشها تانى هى هى المشاعر
و اللى داري بابتسامه من عينيه مر المشااعر
و اللى نفسه قصاد حبيبه يبان عليه حبيت مشاعر
يادى يادى يادى المشاعر يادى يادى
يادى يادى يادى المشاعر يادى
اللى بيفكر يفارق بس لولى المشاعر
و اللى سامح حد جارح راضى ذل المشاعر
و اللى ايده فى ايد حبيبه بس مش حاسس مشاعر
و اللى راجع بعد لما انتهى وقت المشاعر
دخلت ولدتها عليها
امل الله على الروقان
حنين ماما تعالى اقعدى اصلى بحب الغنيه دى اوى همس نامت
امل ايوه يا حببتى نامت وهيا بتتفرج على الكرتون
حنين ربنا يخليكى لينا يا ماما مش عارفه من غيرك كنت هعمل ايه
امل ويخليكى ليا قلبى انتى وهمس حبيبت تيته
حنين سكتت وبصت على الطريق من البلكونه
امل مالك يا حنين دايما حساكى مكسوره وحزينه
حنين وهو ال حصلى شويه يا ماما جاسر دمرنى يا ماما
امل انسيه يا بنتى
انسى ايه انى اتحدتكم عشان اتجوزه ولا انسى انه سرق دهبى وباعه ولا انسى ضربه ليا ولا انا وانا حامل فى همس حاول ينزل البيبى ولا انسى مكنتش كملت سنه جواز ولقيته بيخونى فى اوضه نومى كان مفكرنى هبات عندك ومش هروح
ولا انسى انو عشان يطلقنى خلانى اتنازل عن كل حقوقى وساوم بابا الله يرحمه على فلوس عشان يطلقنى
وبابا بعديها مستحملش من الحصلى وجاتله ازمه وماټ
امل ياه يا بنتى شايله كل ده فى قلبك لسه حاولى تنسى وتبدأى من جديد وان شاء الله ربنا يعوضك خير باحسن منه
حنين لا يا ماما انا مش بفكر فالجواز تانى انا جربت حظى وخلاص مش عوزه اعيش تجربه جاسر تانى
امل بصت لبنتها بحزن وبتدعى جواها ربنا يعوضها خير
وصل عمار المطار يستقبل فهد وادهم
خرج فهد وادهم بوسامه قاتله وجذابه شافوا عمار واقف ساند على العربيه وعمار هو الاخر لا يقل جاذبيه عنهم فهم الثلاثه مزز بصراحه هههههههههه
عمار
فهود وحشتنى يا كبير
فهد وانت كمان
غلستك
عمار متقلقش هتشبع من غلستى كتير
فهد طب يلا نركب لانى تعبان وعاوز انام
وادهم وانا كمان مش قادر وصلونى شقتى الاول
فهد مش هتروح معايا على الفيلا
ادهم لا مش قادر استريح النهارده واجى بكره اجازه
وركبوا العربيه هما الثلاثه
ادهم بس يا فهد مش ملاحظ حاجه على عمار وبيغمز لفهد
فهد بضحك ملاحظ شكل فى حاجه
ادهم ههههههههه شكل السناره غمزت وصحبك طب
عمار بيبصلهم وساكت وبعدين مره واحده
عمار ريح نفسك منك له من النظام ده اه انا بحب استريحتوا
فهد وادهم بيبصوا لبعض وبيضحكوا
ادهم الله يسهلوا مين حد نعرفه
عمار يعنى كلها يومين وتعرف كل حاجه بطل
فهد بيبصله ورافع حاجب مش مرتحلك
عمار بتوتر ليه بكره هحكيلك على كل حاجه ارتاح بس النهارده
فهد ماشى خلاص تعالى بكره على الغدا مع ادهم ونقضى اليوم سوا
ادهم تمام بس نطلع نسهر بليل وحشتنى مصر وسهراتكواى
عمار وفهد تمام ووصلوا ادهم شقته وفضل فهد وعمار فى العربيه
عمار فهد موضوع بخصوص احمد الصياد وابنه مردتش اتصرف فيه لحد ما ترجع واخد رايك نعمل ايه
فهد بصليه بستغراب ماله احمد الصياد وايه ابنه ده كمان فى ايه يا عمار
عمار بكره يا فهد استريح النهارده وبكره نتكلم لان الموضوع كبير وعوزك فى حاجه مهمه تانيه
فهد تمام نشوف بكره
ووصل عمار فهد الفيلا وبعدبن مشى
فى الفيلا دخل فهد
منصور حمدالله على سلمتك يبنى
فهد وبيخضنه الله يسلمك يا بابا وحشتنى جدا
منصور وانت كمان عامل ايه
فهد تمام يا حبيبى متقلقش
فهد سابه وراح على ولدته وحشتنى يا ماما
فريده وانت كمان ياحبيبى مع انى زعلانه منك
فهد ليه بس يا ماما ايه ال مزعلك
منصور هو ده وقته لسه جاى من السفر تعبان سبيه يستريح
يارا بتنزل من على السلم جرى فهود وحشتنى اوى اوى
فهد وبيخدها فى
فهد على فكره جبتلك كل ال انت طلبتيه
يارا بتبوسه من خده متحرمش منك يا احلى اخ فى الدنيا
فهد ولا منك يا قلبى
صحيح يا ماما اعملى حساب ادهم وعمار على الغدا بكرا هيقضوا اليوم معانا
يارا فرحت جدا عشان هتشوف عمار بكره
منصور ادهم مجاش معاك ليه على هنا
فهد تعبان وقال عاوز يستريح
وانا كمان تعبان جدا وهطلع انام تصبحوا على خير
يوم جديد على ابطالنا يحمل الكثير من المفاجات
بيصحى فهد مبسوط من نومه لانه حلم بصاحبت العيون الزيتونيه وكم تمنى من الله انا يراها ولا يعلم ان القدر يحمل له مفاجاه قام عمل الرياضه بتاعته وبعدين اخد دش سريع وخرج لبس بنطلون جنس وقميص وفاتح زرايره من فوق وسرح شعرعه ونثر عطره الجذاب فاصبح شديد الوسامه يخطف القلوب نزل بكل ثقه يفطر مع اهله
فهد صباح الخير
الجميع صباح النور
فهد وطى باس ايد بباه ومامته فهو نعم الابن البار يحترم والديه
فهد ايه الحلاوه دى يا يويو
يارا حبيبى انا طول عمرى حلوه وبتغمز لخوها
فهد بيضحك من قلبه ماشى يا برنسس يارا كبرنا واحلوينا وبيجلنا عرسان
يارا سابت الاكل واتكسفت جدا وفكرت ان عمار كلم فهد وهو وافق
فريده مين يا فهد حد متقدم لاختك
فهد ايوه يا ماما
يارا قلبها بيدق بسرعه ومش قادره تبص ل فهد
منصور مين يا فهد
فهد دكتور محمد ابن السفير اسامه حلمى
يارا اټصدمت ورفعت راسها بصت لاخوها بس انا مش عوزه اتجوز دلوقتى
فريده يارا احنا نعرف مصلحتك كويس وبعدين دول ناس كويسين جدا وانا اعرف مامته
يارا بس انا مش موفقه يا ماما
يدخل عمار فى ذلك الوقت صباح الخير
الجميع صباح النور
عمار بص على يارا لقى دموع فى عنيها
فريده بتكلم كلمها پحده مع يارا يعنى ايه مش موفقه
فهد اهدى يا ماما المهم هيا طبعا ومحدش هيغصبها على حاجه
عمار قلق وحس ان فى حاجه فى ايه يا جماعه
يارا بعد اذنكم انا طالعه اوضتى
فريده استنى يا يارا انا مخلصتش كلامى
منصور سبيها دلوقتى اطلعى يا يارا
طلعت تجرى على اوضتها
عمار فى ايه يا فهد فهمنى
فهد اصل يارا جالها عريس وهيا رافضه تشوفه
عمار من الصدمه نعم
فهد بصله ورفع حاجبه فى ايه يا عمار مالك مستغرب ليه
عمار فهد تعالى نطلع الجنيه لحد ما ادهم يجى عوزك فى موضوع
فهد طب اقعد افطر الاول
عمار بضيق لا مش عاوز يلا
منصور حس ان عمار ادايق عشان يارا ودعى ربنا ان هو ال يكون من نصيب بنته لان حس ان يارا معجبه بيه
فهد طيب يلا ماما لو سمحتى خلى جمالات تطلع لينا القهوه بره انا وعمار
فريده ماشى يا فهد
فى الجنينه بره عمار قاعد قصاد فهد ومتوتر وفهد قاعد بكل ثقه وحاطط رجل على رجل وبصصله وحس ان ال فكر
فيه صح لما لاحظ ان عمار تدايق لما عرف موضوع عريس يارا
فهد هتفضل ساكت كتير
عمار فهد
فهد سمعك فى ايه
عمار انا بحب يارا وعاوز اتجوزها
فهد ساكت ومش بيرد ومتصدمش وكانه كان عارف ان عمار هيقول كده
عمار ساكت ليه فهد انا مخنتش الامانه ولا محترمتكش انا والله العظيم بحبها من زمان بس مكنتش قادر اقلك وخفت اخسرك
فهد وايه ال خلاك تتكلم دلوقتى ومش خاېف تخسرنى
عمار مبقتش قادر خلاص انا بمۏت من غيرها وممكن يجرالى حاجه لو كانت لحد غيرى
فهد هيا تعرف
عمار سكت شويه وبعدين رد ايوه قلتلها
فهد من امتى
عمار والله من قريب من يجى اسبوع او اقل كمان انا كنت خاېف اقولها واكلما تكون شيفانى صديق اخوها وبس ويكون فى حد فى حياتها بس الفتره الفاتت وانت مسافر حسيت انها بتبدلنى نفس الشعور فكلمتها الاول اعرف رائيها قبل ما كلمك
فهد ساكت وبصصله
عمار فهد متزعلش من يا صحبى والله ڠصب عنى حبتها فهد رد عليا انت اكتر من اخويا ومش عاوز اكون ديقتك
فهد موافق
عمار ايه انت قولت ايه والنبى
فهد بضحكه عاليه ال سمعته ولا ارجع فى كلامى
عمار قام
عمار ربنا يخليك ليا يا صحبى ومتحرمش منك
ادهم يدخل فى الوقت خېانه فهد وعمار فى حضڼ بعض
يلا الهول
فهد وعمار بيبصوله وبيضحكوا
ادهم ايه جو العشق الممنوع ال عملينه ده طب رحوا حته مدريه مش فى الجنينه كده وبيغمزلهم
فهد بصله بصه خوفته
ادهم خلاص يا عمنا بهزر
فهد بيضحك ايوه الجبن حلو
ادهم
ادهم اوبا خطبت يويو
عمار بصله بضيق عشان قال يويو ايوه وفهد وافق
ادهم يابختك يا عم اخت حتت المنجايه بتاعت العيله
عمار مستحملش كلمت ادهم لانه بيغير عليها پجنون وقاله بزعيق ادهم خلى بالك من كلامك ماشى
ادهم بيضحك من قلبه انت بتغير عليها منى دى اختى يا اهبل
عمار اغير عليها من اى حد فاهم
فهد بيبتسم وفرحان من جوه لان حس ان عمار بيحب اخته جدا وهيقدر يسعدها
فهد ههههههه طب يلا ندخل عشان تسلم على عمك يا ادهم ونكلمه فى موضوع عمار
عمار بانبساط بجد هتكلمةدلوقتى
ادهم مالك يا عمار ما تتقل شويه مدلوق كده ليه وليضحك جامد وبيغمز ل فهد
عمار هو ايه ال جاب الواد الرزل ده من دبى غور ياض من هنا
فهد بيضحك من قلبه عليهم مش هتبطلوا ابدا طول عمركم ناقر ونقير
ادهم حبيب هارتى ده عمار الحته ال فى الشمال متجيب بوسه يا عمورتى
عمار يا خرابى كده قدام فهودى طب لما نبقا الوحدنا
وبيضحكوا الثلاثه فهم اعز اصدقاء بل اخوه
دخلو ل منصور المكتب
ادهم عمى وحشتنى جدا
منصور يا غالى يابن الغالى
ادهم وانت كمان يا حبيبى والله عامل ايه وصحتك
منصور الحمدالله يا حبيبى اخبارك انت ايه مش ناوى تفرحنى بيك ولا هتعمل زى الاتنين دول وبيشاور على فهد وعمار
ادهم ههههههه لا لسه ملقتش المجنونه ال ترضى بيا بس شكل ختفرح قريب بحد فيهم
منصور بجد مين
فهد عمار يا بابا
منصور بجد مين سعيده الحظ وبيتمنى من جواه تكون يارا بنته
فهد عمار طلب ايد يارا يا بابا وانا وفقت
عمار مبسوط جدا ربنا يخليك لينا يا عمى
منصور بصله قاله انت راجل يا عمار وعارف انك هتحافظ على يارا كويس وهبقى مېت وانا مطمن عليها معاك
فهد وعمار وادهم فى نفس واحد بعد الشړ عنك ربنا يخليك لينا
منصور البركه فيكوا انتم يا حبايبى بس المهم راى يارا
فهد لا اطمن بنتك موافقه
منصور بضحك طب كويس طب اطلعلها يا فهد كانت بټعيط ومش راضيه تنزل بعتلها جمالات ومرضتش تنزل وهاتها وتعالى وانا هقعد ما ادهم وعمار لحد ما تنزل
فهد حاضر يابابا
طلع فهد اوضه اخته وخبط على الباب
يارا ادخل
فهد يويو حبيتى مالك بتعيطى ليه
يارا فهد انا مش عوزه اتجوز دلوقتى
فهد وبيكتم ضحكته ليه بس يا حبيبتى ده عريس كويس
يارا بدموع بس انا مش عوزاه مش عوزه اتجوز دلوقتى
فهد بمكر طيب خلاص هقوله لا
يارا بفرحه بجد يا فهد
فهد اه يا قلبى حتى هقول للعريس التانى كمان لا انك مش عوزه تتجوزى
وقام وقف عشان يمشى
يارا عريس تانى
فهد بمكر شديد ايوه عمار طلب ايدك وانا وفقت وبابا كمان بس انتى مش عوزه خلاص بقا هنزل اقوله لا وعامل نفسه هيمشى
يارا لا استنى
فهد بيلصلها وبيكتم ضحكته فى ايه
يارا هو عمار اتقدملى بجد
فهد امال بهزار
يارا مش عارفه تقله انها موفقه ا فيك يا حبيبى عقبالك
ونزل فهد وماسك ايد اخته ودخل ل بباه المكتب
منصور تعالى يا يارا
يارا مساء الخير ادهم ازيك حمدالله على السلامه
ادهم يويو وحشتنى يا بت كبرتى واحلويتى اهو
يارا تسلم يا دومى
عمار كانت عنيه بطق شرار من ادهم
وادهم بصله وبيضحك وبيغيظ فيه وبيضحك مع يارا
وفهد ومنصور ملاحظين وبيبتسموا
منصور تعالى يا يارا جمبى
حاضر يابابا حبيبتى عمار طلب ايدك وانا وافقت انتى ايه رايك
يارا مبسوطه ومكسوفه ووشها فى الارض ال تشوفه يابابا
منصور بابتسامه على بركه الله خلاص الخطوبه الخميس الجاى
عمار بسرعه خطوبه ايه انا عاوز اكتب الكتاب
منصور وفهد وادهم بيضحكوا عليه من طريقه كلامه
ويارا مكسوفه جدا
ادهم ياواد اتقل مش كده واقع واقع يعنى
عمار خليك فى حالك بكره تقع زى
منصور خلاص كتب كتاب بس والفرح بعد ما نخلص الترم الفضلها
عمار حبيبى يا عمى
فهد مبروك يا عمار مبروك يا يارا
عمار الله يبارك فيك يا صحبى
يارا عقبالك يا حبيبى
ادهم مبروك يا
وراح على يارا مبروك يا يويو وعاوز يبوسها عشان يغيظ عمار عمار مسكه
بتعمل ايه
ادهم ببركلها يا جدع وبيضحك بستفزاز لعمار
عمار من بعيد يا حبيبى ممنوع الاقتراب
الكل بيضحك
فريده بتدخل عليهم خير بتضحكوا ليه
منصور اصل عمار طلب ايد يارا وانا وفقت
فريده مبسوطه لانها بتحب عمار
والله ويارا وفقت
منصور ايوه
فريده بتبص ل يارا غريبه مش كنتى الصبح مش عوزه تجوزى
يارا ساكته وباصه فى الارض
منصور بس بقا يا فريده متكسفهاش
فريده طيب ماشى وانا مش هلاقى احسن من عمار لبنتى مبروك يا حبيبى
عمار الله يبارك فى حضرتك
واخدت
منصور اعملى حسابك يا فريده الخميس الجاى الخطوبه وكتب الكتاب
فريده بسرعه دى
منصور الولاد عوزين كده
فريده مش هنحلق نعمل حاجه
فهد ماقلقيش يا ماما كل حاجه هتبقى جاهزه هحجز القاعه وارتب كل الامور
عمار حبيبى يا فهود
فريده طيب تمام يلا عشان الغدا جهز
ويرحوا يتغدوا ويقضوا بقالى اليوم سوا وبعديها خرج ادهم وعمار وفهد سهروا وخلص اليوم على فرحه عمار ويارا
تانى يوم فهد جهز عشان يروح الشركه لبس بدله سمرا شيك جدا ورش برفانه ال يجنن واخد مفاتيه ونزل بكل ثقه ركب عربيته واتصل بعمار انت فين
عمار فى العربيه رايح على الشركه
فهد تمام وانا كمان قربت اوصل اعمل اجتماع عشان التصميم الجديده احنا ضيعنا وقت كتير عوزين نبدا على طول
عمار حاضر
فهد سلام اشوفك فى الشركه
عمار سلام
فهد قفل مع عمار واتصل بادهم كل ده نوم
ادهم الناس تقول صباح الخير الاول
فهد طب صباح الزفت على دماغك حلو كده قوم يلا
البس وتعالى على الشركه هناقش التصميم
ادهم حاضر نص ساعه واكون عندك سلام
فهد متتاخرش سلام
وصل فهد الشركه ودخل بكل ثقه وغرور
كل ال ف الشركه حمدالله على السلامه يا فندم
فهد يكتفى بهز دماغه تعبير عن الشكر وبس دخل على مكتبه
ندى بدلع حمدالله على السلامه يا فهد بيه وحشتنا جدا
فهد وهو بينفخ من طرقتها الله يسلمك هتيلى كل الشغل ال متأخر عندك وقهوتى وتعالى ورايا
ندى حاضر يا فندم
دخل مكتبه وندى حصلته بالملفات وواقفه جامبه بدلع وهو مستحملها بالعافيه
يدخل عمار عليه المكتب صباح الخير
فهد صباح النور اقعد روحى يا ندى دلوقتى وهراجع الملفات دى بعدين
ندى حاضر تؤمر باى حاجه تانيه
فهد لا روحى على مكتبك
عمار بيبصله بيضحك هيا البت دى مش بتتهد خالص
فهد دى خنقه اخلص من ضغط الشغل ال احنا فيه وهغيرها المهم سيبك منها جهزت الاجتماع
عمار ايوه هدى بلغتهم ومستنين فى اوضه الاجتماعات
فهد طب يلا بينا نبدا
عمار مش هنستنى ادهم
فهد هنبدا لحد ما يجى هو زمانه على وصول يلا
يدخل فهد ووراه عمار وحنين قاعده ظهرها للباب لسه فهد ماشفهاش وبتتكلم هيا وحسام على التصمميم
فهد وصل عندهم عمار بيعرف فهد بيهم فهد ده مهندس حسام
حسام اهلا يا فندم
فهد اهلا
عمار ودى المهندسه حنين
حنين بترفع وشها من الورق ال قدامها وبتبصله اهلا يا فندم
فهد اول ما شافها ٠٠٠٠٠٠٠٠٠
عمار فهد فهد رحت فين انت تعرف الانسه حنين
فهد فاق وحاول يتدارك الموقف عشان محدش ياخد باله ايوه تقريبا قبلتها صدفه قبل كده صح يابشمهندسه
حنين ايوه يا فندم
عمار قبلتها فين
فهد خبطنا فى بعض قدام المول من فتره
عمار طيب حصل خير يلا نبدا الاجتماع
فهد بعمليه يلا فين التصميم
وفضلوا يتناقشوا فى التصميم فهد وعمار وحسام وحنين
عمار التصممين هايلين الواحد محتار بنهم
اما ادهم داخل مستعجل الشركه وبيبص فى الساعه بتاعته خبط نور جامد
نور مش تفتح انت اعمى
ادهم بغرور انتى بتقوليلى انا كده انتى اتجننتى
نور جن لما يلغبطك بدل ما تتاسف بطول لسانك
ادهم بت انتى اتلمى واعرفى انتى بتكلمى مين
نور بت فى واحد محترم يقول كده شكلك معندكش ذوق وبعدين هكون بكلم مين واحد معندوش اى ډم وعديم الذوق عن اذنك
ادهم واقف ووشه بيطلع ڼار واستحلفلها ودخل يشوف الاجتماع الاول وبعدين يشوف من البت دى وبيقول لنفسه هفرمك بس اصبرى عليا
ولا يعلم انه هو من سيدخل مفرمت العشق الابدى كم من بدايه قصت حب تبدا بكلمه مش تفتح انت اعمى
دخل ادهم اوضه الاجتماعات السلام عليكم
الجميع وعليكم السلام
فهد تعالى يا ادهم
اعرفك مهندس حسام
ادهم اهلا
حسام الله يا فندم
مهندسه حنين
ادهم اوبا الله شكل الشغل هيبقا حلو هنا وهسيب دبى وارجع مصر
فهد حس بغيره جامده على حنين مع انه عارف ان ادهم بيحب الضحك وبيهزر بس عنده احساس انها بقت ملكه هو ومش عاوز حد يكلمها
حنين بحرج اهلا يا مستر ادهم
فهد بضيق ادهم بطل طرقتك دى خلينا نركز ده مهندس ادهم ابن عمى وماسك فرع الشركه فى دبى
حسام وحنين تشرفنا
وقعد ادهم معاهم وشاف التصميم واعجب بيها
ادهم الصراحه الاتنين هايلين
فهد قرر يختار تصميم حببته ال وقع فى عشقها من اول نظره
فهد انا شايف تصميم حنين متميز شويه
عمار وادهم ده
فهد يبقى خلاص تصميم حنين ال يتنفذ
الكل تمام
عمار متزعلش يا حسام
حسام لا يا فندم مفيش مشكله وبيبص ل حنين بحب حنين طول عمرها شاطره ومتفوقه وانا مبسوط جدا ان تصميمها هو ال هيتنفذ
حنين بتبتسم شكرا يا حسام
فهد بص ل حسام وبيضغط على سنانه وبيتكلم بضيق
انت تعرف حنين
حسام ايوه كان كليه واحده بس انا اكبر منها بسنه
عمار طب انا عندى فكره كده كده حنين لازم تاخد معاها مهندسين تانين موقع الشغل لما نسافر عشان مش هتقدر على الشغل لوحدها حسام يبقا
معاها وهيسعدها بدل يعرفوا بعض اكيد فهمين طريقه بعض فى الشغل والتفكير وده هيسعدنا كتير نخلص المشروع بدرى ونشوف مهندس كمان معاهم يتابع الشغل
ادهم انا معاك فى الراى ده
حنين ممكن يا فندم ناخد المهندسه نور هيا شاطره جدا ودفعتى وهتسعدنى فى الشغل
عمار طيب تمام انا عارف المهندسه نور شاطره فى شغلها وكويس انكوا عارفين بعض وبيرفع سماعت التلفون هدى خلى المهندسه نور تجيلى على اوضه الاجتماعات
فهد كان متغاظ من عمار وادهم انهم وافقوا ان حسام يبقى مع حنين فى المشروع لانه حس ان حسام بيبص ل حنين بصت حب وده ديقه جدا وخلاه مش طايق حسام
نور بتخبط على الباب
عمار ادخل
نور تحت امرك يا فندم حضرتك بعتلى
ادهم بيكدب نفسه ان ده صوت البت ال خپطها ورفع وشه يبصلها انتى
نور انت خير جاى تشتكى ليهم عمار بيه البنى ادم ده هو ال خبط فيا وقل الزوق معايا جدا وانا اتريت ارد عليه وبعدين بصت لادهم وقلتله يعنى انت ال غلطان وجاى تشتكى
الكل قاعد يبصلهم هيا وادهم وادهم فاضل شويه ويقوم ېخنقها
عمار تعالى يا نور فى ايه احنا مش فهمين حاجه وبص ل ادهم انت تعرفها
ادهم لا هو انا اعرف الاشكال دى
نور بضيق متحترم نفسك واتكلم عدل
ادهم بانفعال وخبط على تربيزه الاجتماعات انتى اتجننتى بتكلمينى انا كده مش عارفه انتى بتكلمى مين
نور يادى النيله كل شويه مش عارفه انا مين هتكون مين يعنى جيمس بوند مثلا
فهد وعمار بيبصوا لبعض وكتمين ضحكتهم وشمتنين فى ادهم ان فى بنت لاول مره تهزقه كده وانهم هيقدروا يذلوه بيها
اما حنين كانت مصدومه من رد فعل نور وخاڤت عليها تترفد وبتقول لنفسها ربنا يستر
فهد خلاص بس بقا فى ايه تعالى يا نور اقعدى
نور حاضر يا فندم قعدت جمب حنين وهيا بتبص لادهم بقرف وادهم بيبصلها نظره وعيد وناوى يخلى ليلتها سوده
فهد اولا نهدى كده ونعدى سوء التفاهم ال حصل واعرفكم ببعض
دى مهندسه نور يا ادهم من اشطر المهندسين عندنا
وده المهندس ادهم الزينى ابن عمى وماسك فرع الشركه فى دبى
نور فى نفسها حصلنا الړعب بنى ادم رخم ومغرور
ادهم فى نفسه اصبرى عليا هخليكى تشوفى اسود ايام
عمار بصى يا حنين انتى وحسام ونور هتجهزوا عشان هنسافر شرم يوم الجمعه ان شاء الله عشان الموقع
نور انا مش فاهمه حاجه
فهد انتى هتسفرى مع حنين وحسام عشان تسعديهم فى الشغل هناك
نور تمام يا فندم
فهد خلاص يوم الجمعه كلنا هتسافر هناك بعد خطوبه عمار
الكل مبروك مستر عمار
عمار الله يبارك فيكم كلكم معزومين يوم الخميس ان شاء
الله لازم تيجوا
الجميع ان شاء الله يا فندم
عمار تمام الاجتماع انتهى كله على مكتبه
دخل فهد وادهم وعمار المكتب
عمار صحيح يا فهد انت مش قلت مش هتسافر معانا ايه ال غير رايك
فهد عادى يعنى وبعدين فى حفله هناك تبع الشغل ولازم نحضرها كلنا وجهز نفسك يا ادهم هتروح معانا فى رجال اعمال من دبى هيجوا الحفله ولازم تكون موجود
ادهد متقلقش كده كده هروح وبيقول لنفسه ده انا لازم اروح عشان اطين عشتها
عمار طيب خلاص انا هقول لايارا تجهز نفسها تجى معانا تغير جوا
فهد لا والنبى
عمار امال ايه يوم الخميس هتكون مراتى على فكره متنساش
ادهم بيغمزله الله يسهله عقبالنا يارب
عمار متنقش فيها بس صحيح يا فهد شفت نور بهدلت ومسحت الارض بادهم ازاى وبيغمزله
فهد بيضحك اه شفت اول مره اشوف بنت تهزقك
ادهم بضيق انتوا هتتسلوا عليا وبعدين مين ال تهزقنى دى وربنا لعلمها الادب اصبروا عليا
عمار يا خوفى هيا ال تعلمك الادب وضحك هو وفهد
ادهم الدايق وانا ماشى وسيبكم بقيتوا ټخنقوا ومشى وسبهم
عمار طيب انا هروح على مكتبى على فكره انا هعدى على يارا عشان تروح تنقى الشبكه
فهد وهو بيبتسمله مبروك ربنا يسعدك خلى بالك من يارا
عمار يارا فى قلبى قبل عنيه وسابه وخرج
رجع فهد بالكرسى لوره وبيفكر فى حنين وعاوز يروح يشفها تانى وعمال يفكر فى اى حجه تخليه يشفها تانى
اما عمار دخل مكتبه يكلم يارا واتصل بيها
عمار الو
يارا بصوت كله نوم وحنيه الو
عمار يالهوى ايه الصوت ده يارب صبرنى
يارا بتضحك بدلع
عمار هو فاضل كتير على الخميس مش قادر
هو الجميل لسه نايم
يارا ايوه سهرت امبارح ونمت متاخر
عمار نوم الهنا يا قلبى طب فوقى كده عشان شويه وهعدى عليكى نشترى الشبكه والفستان
يارا بفرحه بجد النهارده
عمار ايوه يا حبى
يارا حاضر هجهز على ما تجى
عمار بحبك
يارا وانا كمان سلام
سلام يا قلبى
دخلت عليه ندى وهو سرحان ومش مركز وقربت منه وبتنده عليه بصوت كله دلع مستر فهد
فهد اتخض وبصلها لقاها مقربه جدا منه فضلها
ندى وهيا متوتره انا انا اسفه بس اصل
فهد اصل ايه انطقى ياتخرجى بره
ندى وهيا بتفرك فى اديها ومتوتره من شكل فهد اصل فى شخص اتصل وكان عاوز ياخد منك معاد النهارده وانا جيت اشوفك هتقابل حد النهارده ولا ااجل الميعاد
فهد بنبره قاسيه مش هقابل حد النهارده واخرجى على مكتبك مش عاوز اشوف وشك تانى النهارده مفهوم
ندى حاضر يا فندم
خرجت وهيا بتبرطم وبتقول ماشى يا فهد حتروح منى فين هتقع يعنى هتقع
اما فهد بيحاول يفكر ازاى يروح يشوفها دلوقتى بس خاېف ان حد ياخد باله
حنين راحت مكتب عمار تساله على مده السفر عشان تعرف ترتب امورها مع همس ومامتها
حنين هدى مستر عمار جوه
هدى لسه خارج حالا وقالى لو حد عوزه فى حاجه يروح لمستر فهد لانه مش هيجى اليومن دول
حنين طيب يعنى حروح اسال مستر فهد
وخرجت راحت مكتب فهد وهيا متوتره وبتقول ل نفسها انا بتوتر لما بشوفه ونظرته غريبه
حنين ممكن اقابل مستر فهد
ندى بتبصلها من فوق لتحت وانبهرت بجملها وردت عليها بديق هو مش عاوز يقابل حد النهارده
حنين لو سمحتى قوليله بس المهندسه حنين
ندى بزعيق انتى مش بتفهمى مش عاوز يقابل حد النهارده
فهد وهو سرحان فاق على صوت زعيق ندى طيب والله لخلى ليلتك سوده يا ندى الزفت وقام خرجلها
حنين انتى ازاى بتكلمينى كده على فكره انتى معندكيش زوق
ندى بت انتى امشى من وشى هيا غيرانه من حنين انها تدخب لفهد وهيا بالجمال ده
يخرج فهد فى الوقت ال ندى بتزعق فيه ل حنين
فهد بعصبيه ندى فى ايه وبيبص لقى حنين فى وشه وكان القدر واقف معاه وجابه لحد عنده
ندى بتوتر اسفه يا فندم هيا مصممه تدخل لحضرتك وانا قلتلها حضرتك مش هتقايل حد النهارده
حنين انا اسفه يا فندم انا كنت راحه اسال مستر عمار على حاجه بس هدى قلتلى انه مشى ومش هيجى اليومين دول الشغل ولو فى اى حد مجتاج حاجه يجى لحضرتك بس الانسه دى وبتشاور على ندى غلطت فيا وبتقولى يا بت وبتزعقلى
فهد بضيق ونرفزه انتى اتجننتى يا ندى ازاى تكلمى مهندسه حنين كده مخصوم منك اسبوع عشان تعرفى تتكلمى ازاى والمهندسه حنين تجى فى اى وقت تدخل على طول مفهوم
ندى حاضر يا فندم
فهد اتاسفلها حالا
ندى بصت ل حنين بغل انا اسفه
حنين حصل خير مفيش مشكله
فهد اتفضل يا بشمهندسه
ودخلوا المكتب بتاع فهد
فهد اتفضلى اقعدى
حنين مش مشكله يا فندم انا همشى على طول
فهد بنظرت حنيه لا ازاى اتفضلى اقعدى بس تشربى ايه
حنين شكرا يا فندم
فهد بصوت هادى وبيبصلها فى عنيها وكانها سحر سحرته كنتى عوزه ايه
حنين متوتره من نظرته ليها احم ابدا كنت بسال هنقعد قد ايه فى شرم عشان ارتب امورى لانى عايشه انا وماما لوحدنا كنت عوزه اعرف هسبها قد ايه
فهد بيتكلم ومش قادر ينزل عينه من عليها ولدك فين
حنين بابا الله يرحمه
فهد اسف الله يرحمه
حنين ولا يهم حضرتك
فهد بصى ممكن من اسبوع لعشر ايام واعملى حسابك فى حفله لشركه هناك ولازم تحضريها وبلغى نور
حنين تمام يا فندم شكرا لحضرتك بعد اذنك وقايمه ماشيه
فهد قام بسرعه مهندسه حنين
لفت حنين ليه وردت برقه نعم
فهد فى نفسه يلهوى على الرقه دى يخربيت جمالك انتى خلتينى انهار ايه الشفايف دى ال طالعه منها احلى نعم يخربتهم يجننوا
حنين مستر فهد
فهد ايه
حنين حضرتك نديت عليا فى حاجه
فهد اه لازم تجى الخطوبه يوم الخميس خطوبه عمار واختى يارا
حنين والله مستر عمار هيخطب اخت حضرتك الف مبروك
فهد وهيا بتتكلم سرحان فى حركت شفيفها ياترى الكريز ده طعمه ايه هتجنينى يا حنين
حنين ان شاء الله هحاول اجى بعد ازنك
فهد بصوت كله شجن حنين لازم تجى مش تحولى مش هقبل اعذار
حنين بابتسامه هاديه حاضر وخرجت من المكتب
فهد اخد نفس طويل وبدا يمسح على راسه جامد انتى خطړ عليا يا حنين
قعد عل مكتبه واتصل ب الاتش ار عشان يجبولو السى فى بتاع حنين ولما جه فضل يبص فيه وعرف عنوان بتها ورقم تلفونها وحفظه على تلفونه وبيقول امتى تكونى ملكى يا حنين تكونى ملك الفهد
اما عمار وصل ل يارا واخدها تختار شبكتها وهما طيرين من السعاده وهما ال عند الجوهرجى
عمار ازيك مسيو
جورج
جورج اهلا عمار بيه نورت
عمار ده نورك عاوز احدث تشكيله نزلت عشان اجمل عروسه
وبيبص ليارا وبيضحكلها
يارا اتكسفت
جورج مبروك عمار بيه ثوانى وطلبك يكون موجود
رجع بعد شويه بطقم من الماس فى غايه الروعه ايه رايك يا فندم
يارا واو ده حلو اوى وبتبص ل عمار بس ده غالى اوى يا عمار
عما بيبصلها وبيبتسم مفيش اى حاجه تغلى عليكى
عمار خلاص يا جورج هناخده
جورج مبروك عمار بيه سلامى ل فهد باشا
عمار يوصل مهى العروسه اخته
جورج بجد مبروك يا هانم ياريت توصلى سلامى لفهد باشا ومنصور باشا
يارا برقه حاضر
وبعدين خرجوا راحوا اكبر بيوت الازياء فى اسكندريه عشان يختاروا فستان الخطوبه ويارا اختيارها صعب لانها بتحب الموضه وصلوا وكان عمار حاجز المكان كله عشان يارا تعرف تختار وتقيس برحتها ومحدش يشوفها
فضلت يارا تشوف الفساتين وتحاول تختار وعمار قاعد مستنيها تقيس وتخرج توريه
يارا اختارت فستان احمر قصير وكب وخارجه فرحانه بيه
عمار اول ماشافها اټصدم قالها الله حلو
يارا بجد عجبك
عمار بس مينفعش
يارا بس يا عمار ده فستان وعجبنى وعوزه اخده
عمار نعم ليه انتى شيفانى مركب قرون عوزانى اروح الخطوبه
يارا بضيق انا زعلانه منك
عمار قربلها ومسك وشها حبيبتى انا بغير عليكى ومش عاوز حد غيرى يشوفك انتى ملكى وليا انا بس
يارا بتبتسم ويظهر غمزاتها حاضر ال انت عوزه
عمار يلهوى على الغمزات دى يارب صبرنى فاضل كتير على الخميس
يارا بدلع يومين بس
عمار يا مهون وبيغمزلها
يارا بكسوف طب يلا نختار فستان تانى
وفضلو يختاروا لحد ما لبست فستان من الون الموف الهادى فى
غايه الرقه ديق من الخصر ونازل بوسع بسيط وبديل من ورا وكمام شفافه بس خلى يارا ملكه
عمار اول ما شفها صفر ايه الجمال ده وقرب منها انا شكلى هلغى الخطوبه ونعملها عائليه
يارا ليه بس
عمار مش عاوز حد يشوف الجمال ده
يارا بكسوف بس بقا يا عمار مينفعش كده
عمار بهيام اماب ايه ال ينفع انتى جننتنى خالص
يارا بدلع طيب يلا عشان اغير ونمشى
ومشيت من قدامه تغير الفستان
عمار صبرنى يارب اليومين دول وبعدين اخدها واتغدوا بره وفضلوا قاعدين مع بعض شويه
اما حنين خارجه هيا ونور بعد ما خلصوا شغلهم وحسام خارج فى نفس الوقت
حسام خلاص مشين
حنين ونور ايوه خلصنا شغل
وخرجوا سوا من الشركه وواقفين عند عربيه حسام
حسام تعالوا اوصلكم
حنين شكرا يا حسام هناخد تكسى متتعبش نفسك
وهما بيتكلموا تلفون نور رن ومشيت بعيد شويه ترد على التلفون وفى الوقت ده خرج فهد من الشركه مروح وشاف حنين واقفه مع حسام بيتكلموا ولمح نظرت حسام لحنين ال كلها عشق وادايق جدا ووشه كان بيطلع ڼار وراح نحيتهم مستحملش الغيره كانت هتجننه
حسام همس عامله ايه
حنين احم كويسه
حسام سلميلى عليها بس انا زعلان منك
عند الكلامه دى وصل فهد ليهم وسمعها وادايق وفكر ان فى خاجه بنهم
فهد فى حاجه وقفين كده ليه
حسام مفيش حاجه يا فندم
فهد تمام
نور يلا بينا يا حنين
حنين يلا بعد اذنكم ومشيت حنين ومستغربه بصت فهد ليه
حسام بعد اذنك يا فندم ومشى هو كمان وفهد مش طايقه
وركب فهد عربيته ورجع الفيلا
فهد مساء الخير
منصور وفريده مساء النور وقعد معاهم شويه صغيرين ودخل عليهم عمار ويارا مساء الخير
الجميع مساء النور
منصور اهلا بالعرسان
فريده اشتريتوا الشبكه
يارا ايوه يا ماما وورتهلهم
فريده جميله جدا مبروك يا حبيبتى
منصور حلوه يا حبيبتى بس مش غاليه عليك يا عمار يبنى
عمار بابتسامه وبيبص ليارا مفيش حاجه تغلى عليها ابدا انا نفسى اجبلى الدنيا كلها تحت رجليها انا معنديش اغلى منها
منصور بابتسامه تسلم يابنى
يارا شوف يا فهود الشبكه
فهد جميله يا حبيبتى مبروك يا قلبى وبيبوسها من خدها وحس فعلا انه سلم اخته لراجل بمعنى الكلمه وهيقدر يصونها
مبروك يا عمار
عمار تسلم يا صحبى عقبلك
منصور يارب يابنى ربنا يسمع منك وافرح بيه
فهد ان شاء الله يابابا
فريده ما العروسه موجوده بس هو ال معاند
فهد عروسيت مين يا ماما قصدك شيرى
فريده ايوه
فهد لا انسى خالص شيرى دى متنفعنيش خالص
فريده پحده ليه يعنى
منصور متدخلا فى الكلام خلاص مش وقته نخلص من فرح يارا وعمار وبعدين نشوف الموضوع ده
حجزت القاعه يا فهد
فهد كله تمام يا بابا كل حاجه مترتبه متقلقش
وانت يا عمار هتسبلى الشغل اليومين دول على دماغى لوحدى
عمار بضحك حبيبى يا فهود عريس بقا ومش فاضى خلى ادهم يسعدك
فهد ماشى برحتك عشان خاطر يارا بس وانا فعلا هخلى ادهم يجى الشغل معايا اليومين دول
عمار تسلم يا حبيبى
فهد انا هخرج انا وادهم النهارده هتجى معانا
يارا بتبص لعمار بمعنى لا لان عارفه اكيد هيكون فى بنات فى المكان وهيا بتغير على عمار
عمار بصلها وبعدين لا يا فهد انا ورايا حاجات كتير بكره هروح انام اسهروا انتوا
يارا بصتله وضحكت
وفهد ضحك وميل على عمار وبيقوله من اولها پتخاف اجمد يلا
عمار بضحك الطيب احسن خلى الخطوبه تعدى على خير انت عارف اختك مجنونه
فهد هههههه انت هتقلى
وفهد طلع اوضته ياخد شور ويغير هدومه عشان ينزل يقابل ادهم وهو باله مشغول بحنين وبيسال نفسه ياترى في بنها حاجه هيا وحسام واخد مفتيحه ونزل وهو مدايق وركب عربيته واتصل بادهم الو يا ادهم جهزت
ادهم ايوه يا فهد نازل من الشقه
فهد تمام هسبق على المكان ال بنسهر فيه متتاخرش
ادهم مش هتاخر سلام
وقفل ادهم وهو مدايق هو كمان وهيتجنن من ال عملته نور فيه النهاره وان مفيش اى وحده قبلها قدرت تعمل كدا ماشى يا نور هعرفك مين هو ادهم الزينى واخد مفتيحه ونزل راح لفهد
اما حنين روحت بيتها اتغدت مع مامتها وبنتها وبعدين دخلت اوضتها وبتقول لنفسها هو مستر فهد بيبصلى كده ليه وكان باين عليه انوا مدايق لما شافنى واقفه مع حسام وعند النقطه دى سرحت وافتكرت ازاى حسام عرف ان عندها بنت
فلاش باك
حنين ماما انا اتفقت مع نور اننا هنخرج النهارده عشان افسح حنين وهنتغدى بره ما تجى معانا
امل لا يا حبيبتى روحوا انتوا انا كنت حروح لخالتك مشفتهاش من زمان
حنين طيب يا ماما بس خلى بالك من نفسك
امل انتى ال تخدى بالك من نفسك
انتى وهمش ومتتاخروش وانا مش هتاخر عند خالتك
حنين حاضر ياماما وسلميلى على خالتو
امل يوصل يا حبيبتى
حنين دخلت لبست ولبست همس زى بعض بنطلون جينس وتشيرت نفس اللون وكوتشى نفس اللون برضوا فاصبحت همس نسخه مصغره من حنين لانها تشبه ولادتها بدرجه كبيره ونزلت وقابلو نور
نور هموس حبيبتى وحشتنى جدا ايه الحلاوه دى لبسه انتى وماما شبه بعض طب هاتى بوسه بقا وبستها حنين هنروح فين دلوقتى
حنين نروح الملاهى عشان خاطر همس وبعدين ندخل اى مطعم نتغدا
نور قشطه يلا بينا
وراحوا الملاهى ولعبوا همس كتير وكانت بتضحك ومبسوطه وحنين فرحانه جدا انها شايفه ضحكت بنتها وبعد ما خلصوا دخلو مطعم يتغدوا وطلبوا الاكل
نور حنين انا هدخل الحمام وجيلك
والاكل جه وحنين بتاكل همس ومش واخده بالها من ال شافها ورحلها
حسام حنين
حنين اتخطت اول ما سمعت صوته واتوترت حسام ازيك بتعمل ايه هنا
حسام جاى اقابل واحد صحبى انتى هنا انتى ومين وبيبص ل همس مين دى يا حنين
وقبل ما ترد حنين لقت همس بتقلها ماما وبتشورلها على الاكل عشان تاكلها
حسام بنتك انتى اتجوزتى امتى
وفى الوقت ده رجعت نور واټصدمت لما شافت حسام
نور حسام ازيك
حسام پصدمه ازيك يا نور وبعدين بص لحنين اتجوزتى امتى يا حنين وليه مخبيه
نور طب اقعد بس واحنا هنفهمك كل حاجه
وقعد حسام وحكتله نور كل حاجه لان حنين مكنتش قادره تتكلم حكتله على ندالت جاسر وضربه لحنين وخيانته وانو بهدلها كتير
حسام يعنى انتى اتجوزتى جاسر
حنين ايوه واطلقت وانا حامل فى همس
حسام انا قلتلك كتير انو مش كويس وانتى مصدقتنيش
نور خلاص بقا يا حسام هيا فيها ال مكفيها
حسام انا اسف يا حنين متزعليش منى
حنين محصلش حاجه
حسام طب انتى ليه مخبيه
حنين عشان الشغل كان فى شرط لازم اكون انسه متجوزتش
حسام عشان كده
نور حسام اوعى حد يعرف بالموضوع ده
حنين ارجوك يا حسام متقلش لحد انا محتاجه الشغل ده ولو عرفوا هيرفدونى
حسام انا عمرى ماذيكى يا حنين انتى عارفه كويس انتى بنسبالى ليه
حنين بتوتر شكرا
حسام والقمر ال شبه مامته ده اسمه ايه
حنين همس
حسام الله الاسم جميل زى صحبته وقام باس همس وبعدين لاقى صاحبه بينادى عليه طب عن اذنكم صحبى جه وبص لحنين وقلها هنكمل كلمنا بعدين وقام وسبهم
نور ايه الصدفه دى
حنين ربنا يستر من الجاى تفتكرى حسام ممكن يقول حاجه
نور لا طبعا حسام بيحبك جدا وعمره ما يأذكى
حنين يارب خليك جمبى وبعدين اتغدوا ومشيوا روحوا
باك
حنين فاقت على صوت مامتها بتنادى عليها
امل دخلت الاوضه لحنين
كل ده مش سمعانى يا حنين
حنين معلش يا ماما سرحت شويه
امل طب تعالى نقعد فى البلكونه عملتك نسكافيه
حنين حاضر يا ماما وقامت راحت قعدت مع مامتها
اما فهد وادهم اتقبلوا فى المكان ال متعودين يسهروا فيه بس كل واحد فيهم فى عالم تانى خالص
فهد سرحان فة حنين وخاېف يكونوفى حاجن بينها وبين حسام
وادهم سرحان فى نور وبيفكر ازاى ينتقم منها ومن طولت لسانها
ومره واحده قربوا بنتين منهم
مى فهد ازيك وحشتنى جدا محدش شافك من زمان
فهد بصلها ازيك يا مى معلش مشغول الفتره دى
البنت التانيه انجى ادهم جيت امتى من دبى ووطت باسته من خده حمدالله على السلامه
ادهم بديق ازيك يا انجى
البنات ماتيجوا نرقص
فهد اخد مفتيحه وقايم لا مره تانيه انا ماشى هتجى معايا يا ادهم ولا هتستنى
ادهم لا حروح انا كمان تعبان وعاوز ارتاح
البنات انتم لحقتم خليكو شويه
ادهم مره تانيه يلا سلام
وروحوا وكل واحد فيهم بيفكر فى ال جننته
تانى يوم وصل ادهم بدرى الشركه قبل فهد وهو ناوى يدايق نور وياخد حقه منها
دخل ادهم مكتب عمار يشتغل فيه هدى خلى مهندسه نور تجيلى وتجيب معاها المشروع ال شغاله عليه
هدى حاضر يا ادهم بيه
ادهم ماشى يا نور اشوف انا ولا انتى هخلى ايامك سوده
نور بتخبط على الباب
ادهم ادخل
نور حضرتك طلبتى
ادهم ايوه فين تصميم المشروع ال انتى شغاله عليه
نور بتكلم ببرود اتفضل دى التصميم
ادهم فتحه وبيتكلم بستفزاز التصميم ده مش حلو وعاوز تعديلات كتيره
نور مهو يا فندم مش دا ٠٠٠
قطعها ادهم فى الكلام ولا قولك ارسميه من الاول وقام مسك فنجان القهوه كبه عليه بكل برود وبيبصلها بصت شماته بمعنى ان كل تعبك راح على الارض
نور ببرود مماثل ولا يهمك يا فندم محصلش حاجه التصميم دى مش مشكله لان مش دى التصميم النهائى ده التصميم ال بعمل فيه التعديلات وبعدين برسمها فى التصميم النهائى يعنى ده ملوش اى لازمه اصلا وبتضحك وبتقول فى نفسها الحمدالله انى مجبتش التصميم التانى معايا كنت حسه انو هيعمل حاجه
ادهم اتغاظ اكتر وقام راح نحيتها وقرب منها وهيا تبعد لحد ما خبطت فى الحيطه وراها وادهم حاصرها وهيا موطيه راسها فى الارض
نور لو سمحت ابعد مينفعش كده
ادهم بهمس جمب ودنها اوعى تفكرى ال انتى عملتيه وقولتيه امبارح هيعدى بساهل
فى الوقت ده نور رفعت راسها بثقه وقلتله هتعمل ايه يعنى
فى الحظه دى عنيهم اتقابلوا وسرح ادهم فى عيونها الرمادى التجنن وقال جوه نفسه يخربت جمال عنيكى
نور زقته اعلى ما فى خيلك اركبه انا مبتهدتش وسبته وخرجت بسرعه وقلبها بيدق من قربه ليها
ادهم بعد ما خرجت يخربت جملها بس لسانها ده عوز قطعه وراح يضحك وقعد على مكتبه وقال قطه شرسه ولازم اروضها وهتجى تحت ايدى يا نور
وميعرفش انو هو ال هيقع اسير عينيها وعشقها
فى نفس الوقت ډخله حنين مستعجله لانها اتاخرت النهارده
وهيا واقفه عند الاسانسير لقت فهد وراها
فهدلنفسه الله على ده صباح
صباح الخير يا بشمهندسه
حنين صباح النور وبتقول لنفسها شكلى هترفد عشان اتاخرت يعنى يا ربى اول مره اتاخر فيها اقبله
باب الاسانسير اتفتح
فهد اتفضلى
دخلت حنين وهيا متوتره وبتقول ل نفسها يخربيت برفانك يجنن
فهد خلصتى اخر التعديلات
حنين ان شاء الله هخلصها النهارده وانا اسفه انى اتاخرت بس والله ڠصب عنى ودى اول مره اتاخر
فهد بصوت حنون خلاص حصل خير مفيش مشكله وبيبتسملها
حنين شكرا يا فندم
وخرجت حنين راحت على مكتبها
وفهد كمل وطلع على مكتبه
حنين دخلت المكتب لقت نور بتكلم نفسها ومدايقه
صباح الخير يا نور مالك
نور صباح الخير يا حنون مدايقه من البنى ادم الغلس ال اسمه ادهم مش عارفه حططنى فى دماغه ليه
حنين بضخك ايه ال حصل مش كفايه امبارح
نور كب القهوه على تصميم المشروع ال شغاله عليه
حنين ايه ازاى ده انتى لازم تسلميه قبل ما نسافر
نور متقلقيش انا كنت وخداله التصميم ال بعدل فيه مش النهائى كنت حاسه انو هيعمل حاجه
حنين طب الحمدالله
نور بس والله لعرفه كويس انا مين
حنين ههههههه انتى حطتيه فى دماغك طب ربنا يستر
ودخل فهد مكتبه ومبسوط انوا شفها النهارده وجاله ادهم قعد معاه شويه وبيخلصوا شغل وعدى اليوم
وروحت حنين وهيا عند بتها لقت جاسر وقفلها
حنين جاسر ٠٠٠٠٠
حنين جاسر
جاسر بصحكه مستفزه حنون وحشتنى
حنين عاوز ايه
جاسر دى مقابله تقبلى بيها جاسر حبببك
حنين حبك برص ايه ال فكرك بينا كنا مرتحين منك
جاسر بلؤم ابدا وحشتنى انتى وهمس
حنين لا والله انت شفت همس اصلا عشان توحشك بقالك سنه مختفى ايه ال فكرك بينا كنت خليك مكانك مش عوزين نشوف وشك
جاسر ببرود وايده فى جيوبه بس انا عاوز اشوفكم واشوف همس
حنين بعصبيه انسى خالص همس انت بعتها وتنزلت عنها وقبضت التمن وبعدين اصلا انت مكنتش عوزها وانت بنسبلها مېت قول بقا انت من الاخر عاوز ايه لان الجو ده انا مش مصدقاه
جاسر عاوز منك فلوس بسيطه معلش
حنين شكلك اټجننت انت اخت الفلوس ال معايا عشان تتنازل عن بنتك
جاسر وبيقرب منها وبصوت مستفز لا مختش كل الفلوس وبعدين عرفت انك شغاله فى شركه الزينى واكيد مرتبك كبير
حنين انت بترقبنى
جاسر تؤتؤتؤ يا قلبى متقليش كده انا كنت بطمن عليكى انتى ام بنتى
حنين متقلش بنتى اصلا مفيش اب بيساوم على بنته ويبعها انت اصلا مفيش فى قلبك رحمه مش عارفه ازاى انا اتخدعت فيك انت واحد حقېر
جاسر ماسكها من فكها اتلمى يا بت وتحضريلى الفلوس عاوز ١٠٠ الف جنيه عشان هسافر ولا هاخد منك همس
حنين زقته متقدرش تاخدها الحضانه معايا وانت اتنزلت عنها رسمى
جاسر بضحكه مستفزه لا انا ممكن اخدها فى اى وقت وڠصب عنك كمان
حنين برقت هتخطفها يعنى
جاسر بتفهميها وهيا طيره طول عمرك شاطره يا حنون من الاخر هعدى عليكى كمان اسبوع تكونى جهزتى الفلوس احسن ليكى او انتى عارفه ممكن اعمل ايه تجرى على شقتها
امل فتحتلها الباب واتخطت من منظر بنتها ودموعها حنين مالك يا بنتى
حنين اترمت فى حضڼ امها وبتعيط جاسر
امل بخطه ماله ازفت ده وايه ال فكرك بيه
حنين رجع تانى
امل يلهوى طب تعالى اهدى وفهمينى براحه
دخلت حنين ومامتها الاوضه وقعدوا على السرير
امل فهمينى ايه الحصل
حنين الحيوان ده لقيته واقف قدام العماره تحت دلوقتى
امل وايه ال رجعه بقاله سنه مختفى وربنا ريحنا منه وكان عاوز ايه
حنين بعياط بيسومنى تانى على
امل يلهوى يخربيته مش بيشبع ما اخد قبل كده عشان يتنازل
ولا تعبريه القانون فى صفك
حنين قانون ايه يا ماما هدد انو هيخطفها انسان معندوش ضمير ولا اخلاق
امل ده حيوان وندل وممكن يعملها هنعمل ايه
حنين المشكله انى معيش غير نص المبلغ ال فاضل من ورث بابا وانا لازم اجهز الفلوس عوزها بعد اسبوع
امل وهتجيبى باقى الفلوس منين دلوقتى
حنين مش عارفه هحاول اتصرف المشكله ان هسافر اسبوع شرم عشان الشغل وانا كده هكون قلقانه عليكى انتى وهمس
امل بتفكير متقلقيش انا هاخد همس ونروح نقعد عند خالتك هيا قاعده لوحدها من ساعت ولادها متجوزو
حنين طب كويس كده هكون مطمنه عليكوا اكتر وربنا معايا احاول اكمل المبلغ على مرجع من شرم
امل اخدت
تانى يوم نزلت حنين بدرى الشغل وهيا مخنوقه وبتعيط ودخلت مكتبها وفصلت ټعيط
نور دخلت عليها لقتها مڼهاره وبخضه ماك يا حنين ف ايه يا
متابعة القراءة
