بقلم مريم سمير
المحتويات
أنا سامعك
_ عرض عليا الجواز وانا كنت مرتاحة ف وافقت هو كان عنده 50 سنة
نعم
_ أنا والدي اټوفي وانا ١٦ سنة مكنتش عارفة اوييي احساس البنت والابوة هو خلاني احس ب دا
بس مينفعش تتجوزي واحد لمجرد انك حاسه ب اتجاه ب مشاعر أبوه
كملت بزعل _ ماټ يوم كتب كتابنا
أنا آسف مكنتش اعرف
كملت بنفس الزعل _ ولا يهمك من بعد اليوم دا وانا بتقال عليا نحس ووشي شؤم علي الرجالة ومن بعد ما كان كل يوم عريس معتش حد بيقرب من بيتنا شكلي اتكلمت كتير!
لا لا ولا كتير ولا حاجة ربنا يرحمه هو ووالدك أنا مبسوط انك كنتي صريحة معايا
_ طب وانت انت شاب كويس وما شاء الله يعني أي يخليك تروح المكتب
أنا كمان هكون صريح معاكي أنا راجل عملي جدا شغلي رقم واحد في حياتي ويمكن كمان عصبي وخلقي ضيق يمكن دي حاجات معرفتش ست تستحملها فيا ف قولت اجرب يمكن تصيب المرادي أنا كان ممكن اخبي عليكي عيوبي بس انا رميتها قدامك عشان مش عاوز أبدأ ب كدب وعشان كمان صراحتك مينفعش معاها غير صراحة
_ أنا متفهمة جدا الي بتقوله يمكن لو كملنا هنبقي شبه بعض في حاجات عقلنا هو الي بيسوقنا!
بتهيقلي العلاقات الناضجة الي بتنجح
_ معاك حق
بس أنا كنت عاوزة حب حقيقي اركن فيه عقلي والي يسوقني قلبي وبس
والعلاقة الناضجة الي هيبقي فيها ست وراجل ناضجين جدا وشغلهم مهم في حياتهم وعقلهم هو الي شغال .
اتفقنا أنه يجي علي اخر الاسبوع عشان يتقدم بعد ما حصل قبول بينا اتصلت ب ام
ابراهيم
أي يحبيبتي اي الاخبار اقول لزعتر يجي ولا اي الدنيا
_ يا ام ابراهيم ارحميني أنا وافقت عليه
بجد فاتك انتي زعتر كان هيعملك حس في حياتك دا ابن قرود
ضحكت _ أنا متشكرة ليكي وهبعتلك الحلاوة تستاهل بوقك
جه مع والده ووالدته مكنتش الفرحة سايعة ماما مشوفتهاش مبسوطة كد من وقت ما بابا اټوفي اتفقنا نلبس الشبكة في المحل مش عاوزين خطوبة لا أنا ولا هو ف اتفقنا علي القرار دا كنت بختار الدبلة! أخيرا ماما هتنام من غير خوف علينا بعد كد بقي في حياتي راجل!
أنا بجد متأسف جدا اني مكلمتكيش اليوم كله بس كان عندي شغل كتير اوي
_ ولا يهمك أنا كنت في العيادة أنا كمان عامل أي في شغلك
مترقي من قريب وكنت فاكر الشغل هيقل بس المسؤولية زادت اوييي
_ ربنا يعينك يارب
كل مكالماتنا كانت كد نسأل علي بعض وشغل بعض وساعات الشغل يبقي كتير ف منعرفش نسأل محستش بفرق اوي اني اتخطبت ساعات بنسي!
_ اتفضل
تعرفي انك احسن واحدة بتعمل
_ ب الف هنا
أنا محتاج اتكلم معاكي
_ اكيد اتفضل تحب نقف في البلكونة
اه أوي اوي
طلعنا البلكونة ف متكلمش! _ انت سقطت انك عاوزني في موضوع
مش عارف اجمع اقول أي
_ قول عادي مش لازم تظبط كلامك أنا هفهم
حاسس إن بينا سور عالي اوييي وانا مش حابب كد حاسس اني فاشل في العلاقة دييي
ضحكت _ اه مهو لازم تبقي ناجح في كل حاجة
يهمني ابقي ناجح في علاقتنا هو انا ينفع اسألك سؤال ومتزعليش مني
_ ممكن
هو عبدالله الله يرحمه اكيد عمل حاجات كتير خليتك توافقي تتجوزيه ومتبصيش لعادات وتقاليد المجتمع عمل اي
بصيت قدامي وخدت بوء من الشاي
_ كان حنين وكان بيسمعني كان عنده مسؤوليات كتير اوي وعلي الرغم من كد مكنش ناسيني في يومه
أنا عارف اني معرفتش اعمل كد أنا آسف
_ أنا الي آسفة اني بجيب سيرته قدامك
أنا الي سألت وانا متفهم جدا شعورك نحيته كان اييي تيجي نحاول
_ نحاول في اي
نحاول نبقي صحاب أنا مكنش عندي وقت اعمل صحاب الشغل خد مني حاجات كتير اوي مش عاوز الشغل يخسرني واحدة زيك ممكن تحاولي معايا
_ هنحاول
ومن بعدها واحنا بنحاول المكالمة الي كانت بتقعد دقيقه بعد خمس دقايق وعشرة ونص ساعة وساعة! وبعدها بقت
هو اللون دا هيبقي حلو صدقيني
_ انت جايبلي عرة الالوان وعاوزني ادهنه في الشقه كلها احمد لو حد ذاقك عليا تجلطني لمحلي يعني مش هيحصل حاجة
ضحك طب انتي عاوزة لون ايييي
_ فحلوقي
بقولك اي جرام الدهب بكام عشان لما نفركش ابيع الدهب بمبلغ كويس
بقينا صحاب جدا محاولتنا نجحت! أنا كمان مكنش ليا صحاب بقي صاحبي الوحيد واللذيذ وأبو ډم خفيف
_ عشان خاطري يا احمد
صدقيني صعب اوييي الي بتطلبيه
_ هنحاول سوا زي كل مرة
مريم السجاير دي الي بتخليني أنجز
في الشغل اصلا ولا عوزاني ضغطي يعلي من عمايل المدير فيا
_ عوزاك كويس وصحتك كويسه هنحاول وهتقدر
واطلع غلي في مين بذمتك
_ عندك أنا لما المدير يعصبك اتصل بيا اشتمني
ضحك وبعدين
_ وعندك زميلك
يوسف بردو في الشغل
والله وانتي مالك بيوسف بتجيبي سيرته لي مكنتش مرة كلمتك فيها وهو عدي صبح عليا
_ احمد هو انت مش اوبن مايند انت بتغير
لاء طبعا انتي هبلة ولا اي غيرة أي!
_ خلاص عندك صاحبك يوسف و..
لو جبتي سيرته تاني هعتبرك شهيدة
حاولنا وفات تلت شهور بطل فيهم سجاير كان احسن إنجاز بالنسبالي مسيطرة همشي أهله مسطرة
تسلم ايدك أمتي تعمليلي بشاميل
في
_ احترم نفسك يا احمد
هو
انا شاقطك أنا خطيبك
متابعة القراءة
